Elorda meshitinde namaz ýaqytynda urlyq jasaǵan ózbekstandyq ustaldy

NUR-SULTAN. QazAqparat – Elordada namaz ýaqyty kezinde meshitte urlyq jasaǵan Ózbekstan azamaty ustaldy, dep habarlaıdy QazAqparat Polisia.kz saıtyna silteme jasap.

22 jastaǵy mıgrant elordaǵa maýsym aıynyń sońynda kelgen. Sheteldiktiń 6 urlyq faktisine qatysy bar. Urlanǵan zattardyń ishinde aqsha men uıaly telefondar bolǵan.

Kúdikti qylmystyq áreketiniń beınebaqylaý kameralaryna túsip qalǵanyn bilmegen. Beınetaspalarda onyń uıashyqtardan sómkelerdi alyp, urlyq jasaǵany jazylǵan.

Jedel izdestirý is-sharalary barysynda kúdikti ustalyp, qamaýǵa alyndy. Ol kinásin moıyndady, polıtseıler zattaı aıǵaq retinde tórt telefon tárkiledi.

Atalǵan faktige baılanysty QR QK-niń 188-baby (Urlyq) boıynsha sotqa deıingi tergeý amaldary júrgizilip jatyr.

Foto:polisia.kz