Elorda merekesimen fın-ýgor halqy jeti tilde quttyqtady
Jaz boıy senbi jáne jeksenbi kúnderi etnomádenı birlestik óziniń mádenıeti men shyǵarmashylyǵy, ádet-ǵurpy týraly baıandaıdy. Qazaqstan halqy Assambleıasy saıabaǵyna fın-ýgor ortalyǵy ózderiniń baǵdarlamasyn usyndy.
«Marıtsa, mordva, eston, ýdmýrt jáne taǵy basqa 300-den astam adam birlestikke kiredi. Oblys boıynsha Ýspen jáne Tereńkól aýdandaryndaǵy fılıaldarmen birge fın-ýgor etnomádenı birlestigi ókilderiniń sany 2000-nan astam»,- deıdi birlestik jetekshisi Olga Nıkolashına. Fın-ýgor halqyna 29 ult pen ulys ókilderi jatady. Aqsý qalasynan bıyl 35 jyldyq mereıtoıyn atap ótken orys ánderi hory keldi. 
Shara barysynda turǵyndarǵa sábiz, qyzylsha, kartop, sańyraýqulaq qosylǵan bálishter men mordva kvasy usynyldy. Astananyń týǵan kúnine fın júrisin jaqsy kóretin jeti zeınetker óziniń marsh-laqtyrysyn arnady. Olar jaǵalaýdan bastap, ózen porty arqyly qalalyq saıabaqqa jetti. Pavlodar ákimdigi «Densaýlyqqa jol» skandınav júrisi stýdııasynyń jetekshisi Tatıana Şetınınany Qurmet gramotasymen marapattady. 72 jastaǵy Natalıa Perepelıtsa Sarapýl ýdmýrtsk qalasynda dúnıege kelgen, tyń ıgerý tolqynynda 60-shy jyldary anasymen birge Pavlodar qalasyna qonys aýdarǵan. Pavlodarda mektepti, ınstıtýtty bitirip, turmys qurǵan. Bıyl joldasymen birge «altyn» toılaryn atap ótedi.
«Ýdmýrt kostıýmderi torly matadan tigiledi,» - deıdi ol. «Áıelder monıstonyn moınyna kıedi, onymen bas kıimin de bezendire alady. Aljapqysh - kostıýmniń mindetti atrıbýty, keıbireýi eki aljapqysh kıedi».
