Elorda men úsh oblysta aýa raıyna baılanysty eskertý jarııalandy
NUR-SULTAN. QazAqparat – Elorda men taǵy 3 oblysta aýa raıyna baılanysty eskertý jarııalandy, dep habarlaıdy QazAqparat.
18 qańtarda Mańǵystaý oblysynyń keı jerlerinde jaýyn-shashyn (jańbyr, qar) jaýyp, tuman, kóktaıǵaq kútiledi. Aqtaý qalasynda jańbyrdyń sońy qarǵa ulasady, kóktaıǵaq, tańerteń tuman túsedi.
18 qańtarda Aqmola oblysynda túnde basym bóliginde, kúndiz keı jerlerde qar, burqasyn soǵady. Ońtústik-batystan jel soǵady, kúshi túnde 15-20, keı jerlerde ekpini 23-28 m/s, kúndiz keı jerlerde 15-20 m/s kúsheıedi. Keı jerlerde tuman túsedi.
Nur-Sultan qalasynda 18 qańtarda qar, burqasyn saqtalady, ońtústik-batystan jel soǵady, túnde ekpini 15-20 m/s kútiledi.
Sondaı-aq, 18 qańtarda Qostanaı oblysynda keı jerlerinde burqasyn, tuman, ońtústik-batystan jel soǵady, kúshi 15-20 m/s saqtalady.
Daýyldy eskertýdiń yqtımaldylyǵy 85-90%.
