Elorda men elimizdiń segiz óńirinde aýa raıyna baılanysty eskertý jarııalandy

ASTANA. KAZINFORM – Qazaqstannyń toǵyz óńirinde kún raıyna baılanysty eskertý jarııalandy, dep habarlaıdy «Qazgıdromet» RMK. 

8 naýryz kúni túnde jáne tańerteń Astanada tuman túsedi.

Abaı oblysynda 8 naýryzda kúndiz batysta, soltústikte, 9 naýryzda kúndiz batysta, soltústikte, shyǵysta jaýyn-shashyn (jańbyr, qar), 10 naýryzda oblystyń batysynda, soltústiginde keı kezderi qatty jaýyn-shashyn (kóbinese jańbyr) jaýýy yqtımal.

Ońtústik-shyǵystan soǵatyn jel baǵytyn ońtústik-batysqa aýystyryp, 9-10 naýryzda oblystyń batysynda, soltústiginde, oblys ortalyǵynda jel ekpini 15-20 m/s, 10 naýryzda 23-28 m/s deıin jetedi. 9-10 naýryzda aýa temperatýrasy túnde -3-8 gradýstan -2+3 gradýsqa, kúndiz +2-7 gradýsqa deıin kóteriletini boljanyp otyr.

8 naýryzda Aqmola oblysynyń batysynda, soltústiginde jáne shyǵysynda burqasyn bolady. Túnde jáne tańerteń oblystyń ońtústigi men shyǵysynda tuman túsedi.

Aqtóbe oblysynyń soltústigi men shyǵysynda tuman túsedi. Aqtóbede túnde jáne tańerteń tuman boljanyp tur.

Qostanaı oblysynyń batysy men ońtústiginde tuman túsedi.

Kúndiz Mańǵystaý oblysynyń ortalyǵynda keı jerlerde qatty jańbyr jaýady.

Pavlodar oblysynyń batysynda jáne soltústiginde tuman, kúndiz kóktaıǵaq bolady. Pavlodarda tuman túsedi.

Soltústik Qazaqstan oblysynyń ońtústik-batysynda – tuman.

Túrkistan oblysynyń taý asýlarynda ońtústik-batystan ekpini 15-20 m/s deıin jetetin jel soǵady.