Elorda men birqatar óńirde eskertý jarııalandy
NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
29 qańtar túnde jáne tańerteń Qyzylorda oblysynyń keı jerlerinde tuman men kóktaıǵaq saqtalady.
Túrkistan oblysynda da tuman túsedi.
29 qańtar túnde Shyǵys Qazaqstan oblysynyń keı jerlerinde qalyń qar jaýady. Keı aımaqtarda burqasyn kóterilip, tuman túsedi. Batystan soqqan jeldiń kúshi keı jerlerde 15-20, túnde 23-28 m/s jetedi.
Óskemen jáne Semeı qalalarynda da boran soǵyp, batystan soqqan jeldiń ekpini túnde 15-20 m/s deıin kúsheıedi.
29 qańtar Qostanaı oblysynyń keı jerlerinde tuman túsedi.
Erteń túnde Nur-Sultan qalasynda qar jaýyp, jaıaý burqasyn soǵady. Soltústik-batystan soqqan jel ońtústik-shyǵysqa aýysady. Jel jyldamdyǵy sekýndyna 15-18 metrge jetedi.
