Elorda men Almatyda koronavırýs juqtyrý jaǵdaılarynyń artýy sebebi nede
NUR-SULTAN. QazAqparat – QR Densaýlyq saqtaý mınıstri Eljan Birtanov elorda men Almatyda koronavırýs juqtyrý jaǵdaıynyń artýyna qatysty túsinik berdi, dep habarlaıdy QazAqparat tilshisi.
«Bul jaǵdaı halyq arasynda profılaktıkalyq testileý sanynyń joǵarylaýyna baılanysty artty. Shyn máninde, búginde Almatyda anyqtaǵan oqıǵalardyń 90 paıyzy jáne sońǵy aptada Nur-Sultan qalasyndaǵy barlyq oqıǵalardyń 80 paıyzynda indet juqtyrǵanymen, aýrýdy sezinbeı, sımptomsyz bolǵan. Olardy profılaktıkalyq skrınıngter arqyly anyqtaý múmkin boldy», - dedi E. Birtanov «Habar24» arnasyna bergen suhbatynda.
Osy qalalarda profılaktıkalyq testileý sharalary belsendi júrgizilip jatqandyqtan, indet juqtyrǵandar anyqtalýda.
«Bizdiń taktıkany aıtar bolsaq, halyq arasynda PTR-testileýdi belsendi júrgizýge ekpin qoıýdamyz. Bul jumystar indet juqtyrǵandardy barynsha erterek anyqtaýǵa negizdelgen», - dedi mınıstr.
