Elorda men Aqmola oblysynda aýa raıyna baılanysty eskertý jarııalandy
NUR-SULTAN. QazAqparat - Nur-Sultan men Aqmola oblysynda aýa raıyna baılanysty eskertý jarııalandy, dep habarlaıdy «QazAqparat» HAA Qazgıdrometke silteme jasap.
21-22 mamyr kúnderi túnde Aqmola oblysynyń keı jerlerinde jaýyn-shashyn bolyp (qar aralas jańbyr), aýa temperatýrasy 1-6 gradýsqa deıin tómendeıdi. Keı jerlerde tuman bolýy yqtımal. 21 mamyr kúni kúndiz naızaǵaı jarqyldap, burshaq jaýady. Batys, soltústik-batystan soqqan jeldiń jyldamdyǵy 15-20 m/s.
Nur-Sultanda 21-22 mamyr kúnderi túnde aýa temperatýrasy 3 gradýsqa deıin tómendeıdi degen boljam bar. 22 mamyr kúni túnde jáne tańerteń tuman túsedi.
