Elorda mektepteriniń birinde órt shyqty
NUR-SULTAN. QazAqparat – Elordaǵy №54 mektepte órt tutanyp, oqýshylar qaýipsiz jerge shyǵaryldy, dep habarlaıdy QazAqparat tilshisi.
Bul týraly Nur-Sultan qalasy tótenshe jaǵdaılar departamentinen málim etti.
«Búgin saǵat 09.10-da «102» arnasyna Imanbaev kóshesindegi №54 orta mektepte órt shyǵyp jatqany týraly qońyraý tústi. Polıtsııanyń kúshimen oqýshylar men muǵalimder qaýipsiz jerge kóshirilip, jaqyn mańdaǵy kósheler qorshaýǵa alyndy. Oqıǵadan zardap shekkender joq», - delingen habarlamada.
Oqıǵa ornyna arnaıy tehnıka jumyldyrylǵan. Jalyn 8 sharshy metr aýmaqty sharpyǵan.
«Órt tolyqtaı sóndirildi. Aldyn ala málimetter boıynsha, oǵan elektr symdarynyń tuıyqtalýy sebep bolýy yqtımal. Atalǵan fakti boıynsha tekserý júrgizilýde», - dedi departament.
