Elorda mektepteriniń birinde gaz ballonynan ýlanǵan 9 bala aýrýhanaǵa tústi
NUR-SULTAN. QazAqparat – Elordalyq №54 orta mekteptiń 9 oqýshysy gazdan ýlanyp, aýrýhanaǵa tústi.
Bul týraly QazAqparat Nur-Sultan qalasynyń qoǵamdyq densaýlyq saqtaý basqarmasyna silteme jasap habarlaıdy.
«2019 jyldyń 5 qyrkúıeginde saǵat 17:01-de «103» pýltine Imanbaeva, 4 mekenjaıynda ornalasqan №54 orta mektepten «Ýlandyrǵysh zattan zardap shegý» deregi boıynsha habar kelip tústi. Mektep dırektorynyń aıtýynsha, mektep oqýshylaryna synyp ishinde gaz ballony shashylǵan Saǵat 17:14-te jedel járdem qyzmetiniń 3 brıgadasy mektepke jetti», - delingen basqarma habarlamasynda.
Oqıǵadan 5-synypta oqıtyn 8 bala zardap shekken. Jedel járdem olardy №2 qalalyq aýrýhanaǵa jetkizgen.
«Tekserýde 9 balanyń jaǵdaıy qanaǵattanarlyq dep baǵalandy. Olardan jótel, bas aınalý, kózden jas aǵý, álsizdik belgileri baıqalǵan. Barlyq balalar maman tekserýinen ótip, saraptamaǵa qan tapsyrdy. Qazirgi ýaqytta balalar №2 qalalyq aýrýhananyń qabyldaý-dıagnostıkalyq bóliminiń jiti baqylaýynda», - dep habarlady qalalyq qoǵamdyq densaýlyq saqtaý basqarmasy.
