Elorda mektepterinde TEDx klýbtar ashylýda
ASTANA. QazAqparat - Esil aýdany ákimi Tólegen Zakarıanovtyń bastamasymen №84 mektep-lıtseıde TEDx klýb ashyldy, dep habarlaıdy Astana qalasy ákimdiginiń resmı saıty.
№ 84 mektep-lıtseıde TEDx klýbtyń ashylýyna Elbasy Joldaýynda aıtylǵan Nazarbaev zııatkerlik mektepteriniń oqytý júıesi men ádistemesi memlekettik mektepter úshin biryńǵaı standart bolýǵa tıis dep degen tapsyrmasy yntalandyrǵan.
Qazaqstandaǵy alǵashqy TEDx klýbtar Nazarbaev zııatkerlik mektepterinde ashylǵan. № 84 mektep-lıtseı dırektory Záýre Júsipovanyń aıtýynsha, atylmysh mektep-lıtseı basshylyǵy qashanda Nazarbaev zııatkerlik mektepteriniń oqytý júıesi men ádistemesin zerdelep múmkindiginshe qoldanysqa engizedi.
«Bul shara TED klýbtyń ashylýyna arnalyp otyr. TED oıyn-saýyq, tehnologııa jáne dızaın degendi bildiredi. Bul klýbta bizde jaratylystaný, ekologııa, kóptildilik, tehnıka baǵyttary bolady. Bizdiń klýbtyń basty maqsaty oqýshylardyń ǵylymı-zertteý qabiletin damytý. Biz balalardyń kópshilik aldynda sóıleý daǵdylary jaqsaryp, sheshendik óner, zertteý qabileti damıdy degen oıdamyz», - deıdi Z. Júsipova.
TEDx klýb Esil aýdany ákimi apparatynyń jáne № 84 mektep-lıtseı basshylyǵynyń bastamasy boıynsha ashyldy.
«Bizdiń bul bastamamyz Elbasy Joldaýyn qoldaýǵa arnalǵan. Osy jylǵy Joldaý erekshe. Onda el ómiriniń barlyq salasy atap ótildi. Biraq Elbasy bilim salasyna erekshe statýs berdi. Bilim júıesinde jańasha kózqaras qalyptastyrý aıtyldy jáne onyń ishinde bilim alýshylardy mektep qabyrǵasynan bastap bir mamandyqqa beıimdeý, onyń ishinde suranysqa ıe mamandyqtarǵa basa nazar berý.TEDx klýbtar týra sol baǵytqa yqpal etedi», - dedi A. Sadyqova.
Ashylǵan TEDx klýbta № 84 mektep-lıtseıiniń barlyq oqýshylary oqı alady. Al oqýshylardy tıisti baǵdarlamalarmen mektep ustazdary qamtamasyz etedi, sondaı-aq tartylatyn bolady jáne oqýshylardyń tanymdyq qyzyǵýshylyqtaryn oıatý maqsatynda joǵary oqý oryndary oqytýshylary men ár túrli salalardyń ókilderi tartylatyn bolady.
