Elorda mektepterinde sanıtarlyq talaptardyń saqtalýyna monıtorıng júrip jatyr
Nur-Sultan kalasynyń sanıtarııalyq-epıdemıologııalyq baqylaý departamenti elorda mektepterinde sanıtarlyq talaptardyń qatań saqtalaýy kerektigin eske saldy.
«Qyzmetkerler mektep ǵımaratyna «Ashyq» júıesimen ıaǵnı QR kodyn skanerleý arqyly kirýi tıis. Sonymen qatar kireberiste oqýshylardyń, muǵalimderdiń jáne basqa da qyzmetkerlerdiń dene qyzýy baılanyssyz termometrmen ólshenedi», - dep habarlady departamentten.
Sondaı-aq, mekteptegi bir synypta 25 oqýshydan aspaýy kerektigi aıtyldy.
«Qazirgi ýaqytta mektepterdiń jańa oqý jylyna daıyndyǵyna monıtorıng júrgizilip jatyr. Mektepterdegi aǵymdyq jóndeý jumystary aıaqtalyp keledi. Sanıtaızerler, antıseptıkter, jýǵysh jáne dezınfektsııalaıtyn quraldar jetkilikti mólsherde satyp alynǵan. Sol sııaqty bakterıtsıdtik shamdarmen qamtamasyz etilgen. Áleýmettik qashyqtyqty saqtaý jónindegi tańbalar men kórsetkishter ornatylyp jatyr. Odan bólek, oqýshylardy mektep ǵımaratyna jeke esik arqyly kirgizý múmkindigi de qarastylyp keledi», - delingen habarlamada.
Buǵan deıin mektepterde sanıtarlyq talaptardyń qalaı saqtalýy kerektigi týraly habarlanǵan bolatyn.