Elorda mektepterinde Otbasy kúnine arnalǵan óleńder baıqaýy men sýret kórmesi ótedi
ASTANA. 5 qyrkúıek. QazAqparat - Otbasy kúni qarsańynda elorda mektepterinde otbasy taqyrybyna arnalǵan merekelik is-sharalar ótkiziledi. Bul týraly astana.kz saıtyna qalalyq Bilim basqarmasynan habarlady.
6 qyrkúıekte №3 mektep-gımnazııasynda mereke qarsańynda 8-10 synyp oqýshylarynyń arasynda «Meniń súıikti otbasym» atty avtorlyq óleńder baıqaýy ótedi. Osy kúni №2 óner mektebinde oqýshylar men muǵalimderdiń fotosýretteri qoıylǵan «Meniń otbasymnyń jazǵy demalysy» taqyrybyndaǵy fotokórme ashylady. Úzdik fotosýretter úshin І, ІІ, ІІІ dárejeli dıplomdar men syılyqtar beriledi. Kórmeniń krıterııleri sapa, durys format, estetıkalyq jáne qyzyqty mazmun bolyp tabylady.
№65 mektep-gımnazııasynda birinshi synyp oqýshylarynyń ata-analaryna arnalǵan «Bilim áleminde» merekelik baǵdarlama, sondaı-aq, «Meniń otbasymnyń armany» asfaltqa sýret salý baıqaýy, № 52 mektep-gımnazııasynda «Ata-ájemniń ǵumyry...» atty is-shara, №4 mektep-gımnazııasynda «Otan - otbasynan bastalady» otbasylyq festıvali jáne №1 óner mektebinde «Biz baqytty otbasymyz!» sýretter kórmesi uıymdastyrylady.
Іs-sharanyń maqsaty - óskeleń urpaqty tárbıeleý kezinde otbasylyq salt-dástúrlerdi qoldaý jáne damytý, oqýshylardyń kórkemdik shyǵarmashylyǵyn nasıhattaý, balalardyń boıynda patrıotızm jáne otbasylyq qundylyq sezimderin oıatý bolyp tabylady
