Elorda mektepterinde oqýshylarǵa arnalǵan ınnovatsııalyq zerthanalar qurylady
ASTANA. QazAqparat - Elorda mektepterinde oqýshylarǵa arnalǵan ınnovatsııalyq zerthanalar qurylady. Bul týraly búgin elorda bilim qyzmetkerleriniń tamyz keńesinde Astana qalasynyń ákimi Áset Isekeshev málim etti.
Onyń aıtýynsha, mektepterde ınnovatsııalyq zerthanalar jobasyn júzege asyrý úshin elordanyń 10 úzdik mektebi iriktep alynady.
«Biz qandaı da bir iri kompanııalarmen birlesip nemese jergilikti bıýdjet esebinen robot tehnıkasy, aqparattyq tehnologııa, aqyldy tehnologııa, 3D-prınter jáne jańa materıaldar syndy baǵyttar boıynsha qajetti zerthanalar, qural-jabdyqtar, ádistemeler jasaýdy josparlaýdamyz», - dedi Á.Isekeshev.
Mınıstrdiń paıymynsha, bul oqýshylardyń jaman ádetterden boıyn aýlaq ustaýǵa septigin tıgizedi. Sonymen qatar kompıýter men teledıdar aldynda uzaq otyrýyna tosqaýyl bola alady.
«Men 1 qazanǵa deıin árbir mektep nemese kolledj óz mektepterin qalaı damytqysy keletindigi týraly tujyrymdama ázirlep, usynsa deımin. Bizdiń maqsatymyz - mektepterdiń basym bóligi barynsha ınnovatsııaly bolýy», - dedi ol.
