Elorda mektepterinde «Kásiptik baǵdar» jobasy engiziledi
ASTANA. QazAqparat - Aǵymdaǵy jyldyń 1 qyrkúıeginen Astana mektepterinde oqýshylardyń bolashaq mamandyqtardy tańdaýda kómek beretin «Kásiptik baǵdar» jobasy engiziledi.
Bul týraly búgin elorda bilim qyzmetkerleriniń tamyz keńesinde Astana qalalyq bilim basqarmasynyń bastyǵy Qasymhan Senǵazıev málim etti.
«10-11 synyp oqýshylaryna eńbek naryǵynyń qajettiligin eskere otyryp, jeke baǵdarlanǵan kómek, kásibı demeý kórsetý úshin osy jyldyń qyrkúıek aıynan «Kásiptik baǵdar» jobasy engiziledi. Kásipke beıimdelgen jumystardyń tıimdilik sapasyn arttyrý maqsatynda utqyr qosymshasy jobasy, «Kim bolǵyń keledi» kásiptik navıgatory iske qosyldy», - dedi ol.
Onyń atap ótýinshe, qosymshanyń mamandyqtar bóliminiń beıinder bólimshesinen barlyq mamandyqtarmen tanysýǵa bolady. Mamandyqtar sıpattamasynda bolashaq kásipti tańdaý úshin qajetti barlyq aqparattar, sonymen birge oqýǵa túsý úshin talap etiletin qujattar tizimi berilgen.
