Elorda mektepterinde densaýlyq sabaqtary ótýde
ASTANA. QazAqparat - 1-7 qyrkúıek aralyǵynda elorda mektepterinde «Meniń baılyǵym - meniń otbasym!» uranymen keń aýqymdy «Densaýlyq sabaǵy» aktsııasy ótkizilýde. Aktsııa aıasynda ata-analarmen jáne oqýshylarmen kezdesýler men áńgimelesýler júrgiziledi, dep habarlady astana.gov.kz.
Osyndaı sabaqtyń biri №50 mektep-lıtseıinde uıymdastyrylyp, sabaq barysynda qalalyq medıtsına mekemeleriniń qyzmetkerleri balalarǵa salaýatty ómir saltyn ustanýdy nasıhattady.
- Atalmysh shara mektep oqýshylaryna salaýatty ómir salty negizderi, densaýlyqty saqtaý men nyǵaıtýdy aqparattandyrý deńgeıin jetildirirýine septigin tıgizedi, - dedi «Arman qala» Jastar densaýlyq ortalyǵynyń meńgerýshisi Q. Hamzın.
Aktsııa barysynda salaýatty ómir saltyn qalyptastyrýdyń negizgi máseleleri boıynsha beınebaıandar kórsetildi.
Sondaı-aq, barlyq qalalyq emhanalarda mektep oqýshylaryna arnalǵan ashyq esik kúnderi uıymdastyrylady.
