Elorda mektepterinde «Densaýlyq aptasy» bastaldy
ASTANA. 3 qyrkúıek. QazAqparat - 1-7 qyrkúıekte Astana qalasynyń barlyq jalpy bilim berý mektepterinde «Densaýlyq aptasy» aktsııasy ótkiziledi. Bul týraly astana.kz saıtyna qalalyq Densaýlyq saqtaý basqarmasynan habarlady.
«Densaýlyq aptasynyń» basty taqyryby - salaýatty ómir saltynyń aspektileri: durys tamaqtaný, fızıkalyq belsendilik, balalardyń jaraqattanýynyń jáne temeki shegýdiń aldyn alý, ishimdik ishý, balalar arasyndaǵy nashaqorlyq pen semirý.
Aktsııa ár oqýshyny kúnde jattyǵý jasaýǵa, salaýatty ómir saltyn saqtaýǵa, densaýlyǵyn kúsheıtýge, zııandy ádet-daǵdylarǵa qarsy turýǵa shaqyrady. Maqsaty - mektep oqýshylarynyń salaýatty ómir salty aspektileri boıynsha aqparattylyǵyn arttyrý.
2 qyrkúıekte Astana qalasynyń №56 mektep-lıtseıinde Densaýlyq saqtaý basqarmasy basshysynyń orynbasary Sabıt Ábdiraıymovtyń jáne Salaýatty ómir salty ortalyǵynyń mamandarynyń qatysýymen «Densaýlyq aptasy» aıasynda densaýlyq sabaǵy ótkizildi.
Eske salaıyq, 2011 jyly qazaqstandyqtardyń arasynda salaýatty ómir saltyn dáripteý maqsatynda QR Bilim jáne ǵylym, Densaýlyq saqtaý mınıstrlikteriniń, Salaýatty ómir saltyn qalyptastyrý máseleleri Ulttyq ortalyǵynyń qoldaýymen 1-7 qyrkúıekte respýblıkamyzdyń barlyq jalpy bilim berý mektepterinde «Densaýlyq aptasy» ótkiziledi.
