Elorda mektepterinde ata-analary balalarynyń sabaqqa qatysýy men úlgerimin SMS arqyly baqylaı alady

ASTANA. 13 aqpan. QazAqparat - Astanada «e-learning» pılottyq jobasy damytylýda. Búgingi kúni oǵan bilim júıesinen 32 nysan qosylǵan, dep habarlady astana.kz saıtyna qalalyq Bilim basqarmasynan.

Elorda mektepterinde arnaıy ınfraqurylymdar jasalǵan: barlyq kompıýterler ınternetke shyǵý arqyly bir lokaldy jelige qosylyp, materıaldyq-tehnıkalyq bazasy jetildiriletin bolady. Jańa jabdyqtardyń kómegimen muǵalimder sabaq josparlaryn jasap, sondaı-aq, elektrondyq jýrnal, kúndelikpen de jumys isteı alady.

Al ata-analarda óz balalarynyń sabaq úlgerimimen tanysyp, olardyń mekteptegi ómirin SMS-habarlama arqyly baqylaý múmkindigi bar.

Astana qalasynyń barlyq mektepteri ınternetke qosylǵandyqtan, kóptegen mektepterde hımııa, fızıka, bıologııa jáne jańa modıfıkatsııamen jabdyqtalǵan mýltımedıalyq lıngafon kabınetteri bar. 19 bilim berý nysanynda beınebaqylaý ornatylǵan.

2020 jylǵa deıin elektrondyq oqytýdyń jańa júıesine bilim mekemeleriniń 90% -dan astamy ótedi dep josparlanýda.