Elorda mektepterinde «Abaıtaný» páni oqytylady
ASTANA. 23 tamyz. QazAqparat - Bıyldan bastap elordalyq mektepterde jańa mindetti pán engiziledi. Bul týraly astana.kz saıtyna búgin uly aqyn Abaı Qunanbaıulynyń týǵan kúnine oraı uıymdastyrylǵan merekelik is-shara barysynda belgili boldy. 9, 10, 11 synyptarǵa arnalǵan mektep baǵdarlamasyna jańa «Abaıtaný» páni engiziledi.
«Bıyl tamyz keńesi barysynda qyrkúıek aıynan bastap «Abaıtaný» negizgi pán retinde mektep baǵdarlamasyna engiziletini týraly málim boldy», - dedi astana.kz saıtyna Qazaqstan-Reseı ýnıversıteti janyndaǵy «Abaıtaný» ǵylymı-tanymdyq ortalyǵynyń dırektory Almahan Muhametqalıqyzy.
Eske salaıyq, búgin Abaı eskertkishiniń janynda aqynnyń týǵan kúnine oraı ótkizilgen ádebı-sazdy merekege júzdegen astanalyq jınaldy. Іs-shara barysynda Abaı eskertkishine gúl qoıý rásimi bolyp ótti. Elordalyq oryndaýshylar jınalǵan qaýymǵa arnap, halyq ánderin shyrqady, belgili kórkemsóz oqýshy Danııal Sabyrov Abaıdyń qara sózderinen úzindi oqyp shyqty.
Budan basqa, ortalyqtandyrylǵan kitaphanalar júıesi uıymdastyrǵan kitap kórmesine ınteraktıvti qalamy bar «Abaıtaný Álippesi» oqý-ádistemelik kesheni qoıyldy. Kórermenderge syı retinde Abaıdyń danalyq sózderi men óleńderinen, qara sózderinen quralǵan kitapshalar taratyldy.
