Elorda mektepterinde 3 myńnan astam kezekshi synyp ashylady

«Aldaǵy oqý jyly, ózderińiz biletindeı, oqýshylarǵa arnalǵan qashyqtan oqytý formatynda bastalady. Tek 1, 2, 3, 4-synyp oqýshylaryna ata-analardyń ótinishi negizinde bala sany 15-ten aspaıtyn kezekshi synyptar jumys isteıdi. Sabaqtyń uzaqtyǵy - 40 mınýttan, úzilis ýaqyty ártúrli bolady. Búgingi kúni bastaýysh synyptarda 82 myńnan astam oqýshy bolsa, onyń 50 paıyzy kezekshi synyptarǵa ótinish bildirip otyr. Bul - 3002 kezekshi synyp», - dedi ol Ortalyq kommýnıkatsııalar qyzmetindegi baspasóz máslıhatynda.
Sholpan Qadyrovanyń aıtýynsha, oqý protsesi QR Bilim jáne ǵylym mınıstrliginiń ádistemelik usynymdaryna sáıkes júrgiziledi.
«Balalardyń qaýipsizdigin qamtamasyz etý úshin mektepter qajetti jabdyqtarmen, zalalsyzdandyrý quraldary qorymen tolyq qamtamasyz etildi. Mysaly kireberiste zalalsyzdandyrý týneli ornatylyp, kilemshe tóseldi. Teplovızorlar, sanıtaızerler qoıyldy», - dedi basqarma basshysy.