Elorda mektepterinde 26 myń bala birinshi synypqa barady

NUR-SULTAN. QazAqparat – Bıyl astana mektepterinde 26 myń bala birinshi synypqa barady. Bul týraly Nur-Sultan qalasy Bilim basqarmasynyń baspasóz qyzmeti QazAqparat saýalyna joldaǵan jaýabynda málim etti.

«Bıyl elorda mektepterinde birinshi synypqa 26 myń oqýshy qabyldandy. Byltyr bul birinshi synypqa 25 349 bala barǵan bolatyn. Jyl boıynda 11 mektep qoldanysqa berilýi kerek. 2 qyrkúıekke 2 mektep ashylady. Onyń biri memleket-jeke menshik áriptestigi aıasynda salynǵan 2000 oryndyq mektep. Al ekinshisi – 600 oryndyq jeke menshik mektep. Bul – E51, E69, E70 kósheleriniń aýmaǵyndaǵy («Zám-Zám», International School Of Nur-Sultan City turǵyn úıleri) jáne E-22, Turan kósheleriniń aýmaǵyndaǵy nysandar. Atalǵan mektepter eki aýysymmen bilim beredi», - delingen jaýapta.

Ákimdik málimeti boıynsha, qala aýmaǵynda budan basqa taǵy 9 mekteptiń qurylysy júrip jatyr.

«Bıyl jalpy 5 jańa mektep ashylýy kerek. 2023 jyly jalpy syıymdylyǵy 21 800 oryn bolatyn, eki aýysymmen oqytatyn 13 mektep qoldanysa beriledi. Sondaı-aq 3 mektepte jóndeý jumystary qolǵa alynǵan Ol jumystar 25 tamyzǵa deıin bitýi kerek», - dep tolyqtyrdy basqarma.