Elorda mektepteri jyl sońyna deıin 100 paıyz beınebaqylaý kameralarymen qamtylady

NUR-SULTAN. QazAqparat – Nur-Sultan qalasynyń tsıfrlandyrý jáne memlekettik qyzmet basqarmasynyń bólim basshysy Danıal Áıtkenov elordada bilim salasyn tsıfrlandyrý jumysy qalaı júrgizilip jatqanyn aıtyp berdi, dep habarlaıdy QazAqparat tilshisi.

«Qazirgi tańda elordadaǵy mekteptiń bári de 100 paıyz kompıýterlik tehnıkalarmen, ınternet jelilerimen jabdyqtalǵan. Sonymen birge mektepterde robotehnıka men STEM-zerthana kabınetteri ashylǵan. Odan bólek mektepte tamaqtanýdyń aqysyz júıesi iske qosylǵan. Ol arqyly ata-analar balalarynyń mektepte qalaı tamaqtanyp júrgenin baqylaı alady», - dedi basqarma ókili «Elordany tsıfrlandyrý jáne avtomattandyrý» taqyrybynda Nur-Sultan ákimdiginde ótken onlaın brıfıngte.

Onyń aıtýynsha, tolyǵymen vıdeobaqylaý júıesin ornatý úshin mektepterge qazirgi ýaqytta kamera ornatylýda.

«Jyl sońyna deıin qala mektepterine 4 752 kamera ornatylady. Osylaısha Nur-Sultan qalasynyń mektepterine 100 paıyz beınebaqylaý kameralary ornatylady», - dedi ol.