Elorda mektepteri men balabaqshalary 30 tonnaǵa jýyq qaıta óńdeletin shıkizat jınady
NUR-SULTAN. QazAqparat - Nur-Sultan qalalyq bilim basqarmasy men bilim berýdi jańǵyrtý ortalyǵy «EkoAsar - ıgi ister marafony» bastamasynyń 2-kezeńiniń qorytyndysyn shyǵardy, dep habarlaıdy QazAqparat tilshisi.
Atalǵan basqarmanyń Instagram paraqshasyndaǵy málimetke sáıkes, aktsııa nátıjesinde 30 tonnaǵa jýyq qaıta óńdeletin shıkizat jınaldy. Aqsha sertıfıkattaryna «Abaı» kitaptar úıinen bilim berý uıymdaryna kórkem ádebıet satyp alyndy. Mektepke deıingi bilim berý uıymdary, ıanǵı 22 balabaqsha 13 tonna 650 keli makýlatýra jınap, aqsha sertıfıkattaryna 605 dana kitap, al 39 mektep 13 myń 332 keli makýlatýra jınap, 419 840 myń teńge aqsha sertıfıkattaryna 362 dana kitap satyp aldy.
Sondaı-aq is-shara barysynda «Prıklıýchenııa Grıneıkov» ekologııalyq ertegiler jınaǵy jáne «Rojdennye mechtat» komıksi usynyldy. Balalarǵa arnalǵan basylym bes bólimnen turady jáne sıqyrly Tazaqala qalasynyń kishkentaı jáne batyl turǵyndarynyń oqıǵalaryn qamtıdy. «Rojdennye mechtat» - bul jasóspirimder ekologııalyq problemany sheshý úshin kúsh biriktiretin grafıkalyq roman.
Barlyq sanıtarııa normalaryn saqtaı otyryp ótkizilgen is-shara sońynda jeńimpazdar marapattaldy. Barlyq balalarǵa - bastamalarǵa qatysýshylarǵa syılyq retinde № 83 mektep-gımnazııasynyń oqýshylary men «Sovremennık» halyq teatry akterleriniń qatysýymen «Ekologıcheskaıa skazka dlıa drýzeı!» qoıylymy kórsetildi.
