Elorda mektebinde ýyty bar ballon shashylyp, 14 oqýshy aýrýhanaǵa jetkizildi
ASTANA. QazAqparat - Astanada №75 mektepte jeke qorǵanysqa arnalǵan shaǵyn ballonnan buryshty ýyt shashylyp, saldarynan oqýshylar aýrýhanaǵa jetkizildi, dep habarlaıdy «QazAqparat» HAA tilshisi.
Oqıǵa týraly Feısbýk paraqshasynda Sandugash Orynbayeva jazdy. Onyń sózine sensek, aýrýhanaǵa 15 balany alyp ketken.
Astana qalalyq bilim basqarmasynyń baspasóz hatshysy Jazıra Asanova «QazAqparat» HAA tilshisine oqys oqıǵanyń búgin saǵat tórt shamasynda tirkelgenin málim etti.
«Osy qyrkúıekte ǵana aýysyp kelgen jetinshi synyptyń oqýshysy ata-anasynyń ruqsatynsyz ózimen birge qol ballonyn alyp kelgen. Onyń synyptasy ballonǵa qyzyǵyp, basyp jiberip, synyp qaýyt tarap ketken. Synyptaǵy birneshe bala ıis keselinen jótele jónelgen. Budan keıin muǵalim balalardy synyptan alyp shyǵyp, birden qajetti sharalar qolǵa alyndy. Balalarǵa lezde kómek kórsetilip, mekteptegi medıtsınalyq jumysshylar jedel járdem shaqyrdy. Muǵalimder, tehnıkalyq jumysshylar kabınetti tazartty», - dedi ol.
Jazıra Asanovanyń aıtýynsha, sabaq 30 mınýttan keıin qaıta jalǵasqan. Balalarǵa arnalǵan qalalyq aýrýhanaǵa 14 oqýshy jetkizilip, onyń tórteýi dárigerlerdiń baqylaýyna alynǵan. Mektep ákimshiligi oqýshylarmen jáne olardyń ata-analarymen áńgimelesip, qajetti eskertýler aıtylǵan.
«Balalar men ata-analarǵa túsindirme jumystary júrgizildi. Eń bastysy, oqýshylardyń eshqaısysy zardap shekken joq. Ballondy kezdeısoq alyp ketken balanyń áke-shesheleri eskertildi», - deıdi ol.
