Elorda máslıhatynda dýaldy oqytýdyń problemalary talqylandy
NUR-SULTAN. QazAqparat - Nur-Sultan qalalyq máslıhatynda Mádenı-áleýmettik damý komıssııasynyń músheleri dýaldy oqytý júıesiniń problemalaryn talqylady, dep habarlaıdy QazAqparat tilshisi
Saladaǵy negizgi problemalardy qalalyq bilim basqarmasy basshysynyń mindetin atqarýshy Shákárim Seısenbaı atady.
«Oń tájirıbelerge qaramastan, birshama máseleler de bar. Orta jáne shaǵyn bıznes bilim alýshylardy toptarmen nemese shaǵyn toptarmen qabyldaı almaıdy. ıAǵnı, barlyǵyn jumyspen qamtamasyz ete almaıdy, 2-3 stýdentke ǵana oryn beredi. Kásiporyndar janynan kadrlardyń biliktiligin arttyrý jáne qaıta daıarlaý jónindegi oqý ortalyqtary jetkiliksiz. Jumys berýshilerdiń qarajaty esebinen bilim alýshylardyń úlesi tómen», - deıdi basqarma basshysy.
Ol sondaı-aq, dýaldy oqytýdy uıymdastyrýǵa stýdentterdiń jas ereksheligi de kedergi keltiretin tustar bar ekenin eske saldy.
«Tipti ekinshi kýrs stýdentterdiń 18 jasqa tolmaǵandary bar. Bul qurylys nysandarynyń qyzmetkerleri úshin másele. Sondyqtan óńirlik kásipkerler palatasy arqyly «oqytý kásiporny» mártebesine sáıkes keletin kásiporyndar jelisin anyqtaý boıynsha monıtorıng júrgizýdi usynamyz», - dedi Shákárim Seısenbaı.
