Elorda máslıhatynyń 2 depýtatynyń ókilettigi merziminen buryn toqtatyldy

ASTANA. KAZINFORM — Astana qalalyq máslıhatynyń kezekten tys sessııasynda 2 depýtattyń ókilettigi merziminen buryn toqtatyldy. 

— QR-nyń jergilikti memlekettik basqarý jáne ózin-ózi basqarý týraly» zańynyń 20-baby 3-tarmaǵy 8-tarmaqshasyna jáne 4-tarmaǵyna sáıkes depýtattar Qanat Ibraev pen Janargúl Kúlmaǵambetova ótinish berýine baılanysty Astana qalalyq aýmaqtyq saılaý komıssııasy bıyl 6 qazanda sheshim qabyldady. Astana qalasynyń máslıhatyna osy depýtattardyń ókilettigin merziminen buryn toqtatý týraly usynys engizdi. Osyǵan oraı Astana qalalyq máslıhatynyń depýtattarynan sheshim qabyldaýdy suraımyz, — dedi Astana qalalyq saılaý komıssııasy tóraǵasynyń mindetin atqarýshy Lázzat Ábeýova.

Osydan keıin depýtattardyń ókilettiginiń toqtatylýyna baılanysty basqa depýtattar Astana qalalyq máslıhatynyń turaqty komıssııalarynyń quramyna shyǵaryldy. Atap aıtqanda, jańa saılanǵan depýtat Talǵat Dúısekov áleýmettik-mádenı damý máseleleri jónindegi turaqty komıssııanyń quramyna engizildi.

Aıta ketelik Almaty qalasynyń máslıhatyna jańa depýtat saılanǵan edi.