Elorda mańyndaǵy jasyl beldeýge 700 qyrǵaýyl jiberildi
Nur-Sultan. QazAqparat - Nur-Sultan qalasynyń Qorshaǵan ortany qorǵaý jáne tabıǵat paıdalaný basqarmasy «Astana ormany» JShS-men birlesip, qyrǵaýyldardy jersindirip keledi. Jaqynda 700 qyrǵaýyl jasyl beldeýge jiberildi, dep habarlaıdy QazAqparat ákimdiktiń resmı saıtyna silteme jasap.
Elordanyń jasyl beldeýindegi janýarlar álemin túrlendirý úshin qyrǵaýyldy jersindirýdiń bıologııalyq negizdemesi jasalǵan. Jasyl beldeý aýmaǵyna qyrǵaýyldy qoldan ósirip, jersindirý úshin arnaıy oryn salynǵan. Munda jyl saıyn 1000-nan astam balapan ósirip, eresekteri bosatylady.
«Jaqynda basqarma «Astana ormany», «Astana Vetservıs» mekemelerimen jáne Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasymen birlesip, 700 qyrǵaýyl ushyrdy. Qyrǵaýyldar negizinen «Jasyl beldeýdiń» alasa butaly ýchaskelerinde, jıdek tuqymdary bar butaly toǵaılarda júredi. Olar negizinen sýdyń mańynda, qalyń qamys pen sý qoımalarynyń jaǵasynda, qalyń tikendi butaly orman-toǵaılardy mekendeıdi. Qyrǵaýyldar aıazǵa shydamdy», - dep jazylǵan habarlamada.
