Elorda mańyndaǵy ózender jaǵasyna qoqys konteınerleri qoıylady

NUR-SULTAN. QazAqparat - Bas qalamyzdyń mańaıyndaǵy adamdar demalatyn ózen-kólderdiń jaǵalaýyna qoqys konteınerleri qoıylatyn bolady. Bul týraly Nur-Sultan qalasy ákiminiń orynbasary Baqtııar Máken aıtty, dep habarlaıdy QazAqparat tilshisi.

«Memleket basshysynyń tapsyrmasyna sáıkes, Úkimet basshysy bastaǵan tazalyq aktsııasyna bizde óz úlesimizdi qosýdamyz. Basynda aktsııaǵa 1 500-deı astanalyq qatysady dep boljam jasaǵanbyz, nátıjesinde belsendilerdiń sany eke esege jetti. Mashınamen ótip bara jatyryp, toqtap, aktsııaǵa qatysyp jatqandar da bar. Bul árıne qýantarlyq jaǵdaı. Aldaǵy ýaqytta tazalyq sharasy óz jalǵasyn tabatyn bolady», - dedi Baqtııar Máken.

Onyń aıtýynsha, ár aýdandyq ákimdikke elorda mańaıyndaǵy tazartý kerek aýmaqtar bólinip beredi.

«Tazalyqty ár adam ózinen bastaý kerek dep oılaımyn. Jáne tabıǵatqa óz úıindeı qaraý kerek. Nege bulaı deseńiz? Búgin ózen jaǵalaýyn jınaý barysynda baıqaǵanym, kóp qaldyqtar taǵamdar men turmys zattary. Ony tastaǵan kimder árıne ózimiz. Demek tabıǵatty taza ustaý da, búldirý de óz qolymyzda. Osy turǵy da qalalyq ákimdik taǵy bir bastamany qolǵa alǵaly otyr. Qala syrtyndaǵy adam demalatyn ózen-kólderdiń jaǵalaýyna qoqys konteınerlerin qoıýdy josparlap otyrmyz. ıAǵnı belgili bir araqashyqtyq saıyn qoljetimdi qoqys tastaý orny bolady» - dedi ákim orynbasary.

Buǵan deıin habarlaǵanymyzdaı, búgin Úkimet basshysy Asqar Mamın bastaǵan elorda jurty Esil men Qarasý ózenderin tazalaýǵa qatysty.