Elorda mańyndaǵy órtti sóndirý jalǵasýda – Búgin 51 tonna sý shashyldy
ASTANA. QazAqparat – Elorda mańyndaǵy órtti sóndirý jalǵasýda, búgin tańerteń oqıǵa ornyna tonna sý shashyldy, dep habarlaıdy QazAqparat qalalyq Tótenshe jaǵdaılar departamentine silteme jasap.
«Elordalyq órt sóndirýshiler Qorǵaljyn tasjoly men Qosshy qalasyna aınalma jol arasyndaǵy qýraǵan shóp jáne qamys órtimen ekinshi táýlik kúresip jatyr. Qazirgi ýaqytta mamandar qýraǵan shóp órtteriniń jekelegen oshaqtaryn sóndirýde. Órttiń jalpy aýdany 80 gektarǵa jetti», - dep jazylǵan qalalyq TJ departamentiniń aqparatynda.
Búgin tańerteń «Qazavıaqutqarý» AQ órt ornyna 17 ret sý shashty – bul 51 tonna sý. Órt sóndirý bastalǵannan beri Qorǵanys mınıstrligi men «Qazavıaqutqarý» AQ tikushaqtary 59 ret – shamamen 198 tonna sý shashqan.
«Oqıǵa ornynda Astana qalasy, Aqmola jáne Qaraǵandy oblystary TJD jeke quramynyń 185 adamy men 37 tehnıkasy, qala ákimdiginiń 6 sýarý mashınasy jumyldyryldy. Qala ákimdigi, sondaı-aq Astana qalasynyń eriktiler klýbynyń bastamasymen elordalyq órt sóndirýshiler ystyq tamaqpen jáne sýsynmen qamtyldy», - dep habarlady departament.
Sonymen birge, Astana qalasynyń Tótenshe jaǵdaılar departamenti turǵyndardan órt qaýipsizdigi erejelerin saqtaýdy, balalardyń otpen oıynyn toqtatýdy, temeki tuqylyn tastamaýdy suraıdy. Órt anyqtalǵan jaǵdaıda 101 nómirine dereý habarlaý qajet.
