Elorda mańyndaǵy órt: Demalys úıiniń 1,1 myń sharshy metri janyp ketti
NUR-SULTAN. QazAqparat - Elorda mańyndaǵy «Astana Resort» ekokesheninde tutanǵan órt tolyǵymen sóndirildi, dep habarlaıdy QazAqparat tilshisi.
"Órt sóndirýshiler uıymdasqan ári jedel áreketterimen saǵat 17. 10-da jalynnyń taralýyn toqtatyp, 19. 00-de tolyq sóndirdi. Zardap shekkender men qaza tapqandar joq. Oqıǵa sebebi anyqtalyp jatyr. Qyzyl jalyn sharpyǵan boljamdy aýmaq 1106 sharshy metrdi quraıdy. Órtti sóndirýge Nur-Sultan qalalyq jáne Aqmola oblystyq T ótenshe jaǵdaılar departamentteriniń, "Astana ormany" sharýashylyq júrgizý quqyǵyndaǵy memlekettik kommýnaldyq kásipornynyń bólimsheleri jumyldyryldy", - dep atap ótti elordalyq T ótenshe jaǵdaılar departamentinen.
Esterińizge sala ketsek, búgin Aqmola oblysynyń Arshaly aýdanyna qarasty Jibek joly aýylynda «Astana Resort» demalys úıi órt qushaǵyna oranǵan bolatyn. Atalǵan ekologııalyq keshen aýmaǵyndaǵy 3 qonaqúı, 1 saýna, 1 ashana jandy. Elordadan alǵashqy órt sóndirýshiler kelip jetkenge deıin keshen aýmaǵynan 45 adam qaýipsiz jerge shyǵaryldy.
