Elorda mańyndaǵy Qosshy aýylynda úshinshi kún qatarynan jaryq óshýde
KÓKShETAÝ. QazAqparat – Birqatar kópqabatty turǵyn úı jaryqsyz qalǵan Aqmola oblysynyń Qosshy aýlynda apatty joıý jumystary júrgizilýde, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.
Tselınograd aýdany ákimdiginiń málimetinshe, 22 sáýir kúni keshki saǵat 19:23-te «AREK» AQ dıspetcherlik qyzmetine Qosshy aýylynyń «Lesnaıa polıana» shaǵynaýdanynda «Soltústik» qosalqy stantsııasynan bastap, 3-inshi Taratqysh transformatorly qosalqy stantsııasyna deıingi 10 kV kabel jelisinde apat bolǵany týraly habarlanǵan.
«Qazirgi kezde apat ornynda elektromonterlerdiń eki brıgadasy jumys isteýde. Arnaıy zerthana kabel jelisiniń apat bolǵan tusyn anyqtady. Kabel jelisiniń búlingen tusyn aýystyrý jumystary júrgizilýde. Birer saǵatta elektr energııasyn berý josparlanyp otyr», - dep túsindirdi oblys ákimdiginiń baspasóz qyzmetindegiler.
Vedomstvo deregi boıynsha, elektrmen jabdyqtaý júıesiniń tozýy saldarynan atalmysh kabel jelisinde 19-21 sáýir kúnderi de apat bolǵan. Alaıda, ol der kezinde joıylǵan.
«Aldaǵy ýaqytta elektrmen jabdyqtaý júıesiniń qalypty jumys isteýi úshin «Lesnaıa polıana» shaǵynaýdanynda jańa elektr jelisin salýǵa jobalyq-smetalyq qujattama ázirlengen. Qazirgi kezde qurylys-montajdaý jumystary júgizilýde», - dep tolyqtyrdy ákimdiktegiler.
