Elorda mańyndaǵy eldi mekende janar-jaǵarmaı quıý beketi órtenip jatyr
AQMOLA OBLYSY. QazAqparat – Elorda irgesindegi Jibek joly aýylynda ornalasqan «Nors» janar-jaǵarmaı quıý beketinde gaz janyp jatyr. Bul týraly QazAqparat tilshisi oqıǵa ornynan habarlaıdy.
Qaýipsizdik maqsatynda sol jerdegi avtokólik qozǵalysyna shekteý qoıylyp, jol jabyldy.
Janarmaı quıý beketi «Nur-Sultan-Qaraǵandy» joly boıynda ornalasqan.
Kýágerlerdiń aıtýynsha, órt gaz quıý orny janynan shyqqan.
Atap aıtqanda, qyzyl jalyn júk kóligi men onyń tirkemesindegi tsısternany sharpydy.
Oqıǵa ornyna Nur-Sultan qalasy men Aqmola oblysynyń órt sóndirýshileri tartylyp, olar jedel sharalar qabyldap jatyr.
Ázirge, órttiń sebebi belgisiz.
