Elorda mańyndaǵy demalys ornynan shyqqan órt áli sóndirilgen joq – departament
AQMOLA OBLYSY. QazAqparat – Nur-Sultan qalasy Tótenshe jaǵdaılar departamenti elorda irgesindegi Jibek joly kentindegi demalys kesheniniń órtenýine qatysty aqparatty taratty, dep habarlaıdy QazAqparat tilshisi.
«Saǵat 15:40-ta elordalyq órt sóndirýshiler Aqmola oblysy Jibek joly kentine kómekke shyqty. Oqıǵa ornyna jetken kezde «Astana Resort» demalys kesheni aýmaǵynda, býngalo jáne demalatyn úıler órtenip jatqany anyqtaldy. Qazirgi ýaqytta elordanyń órt sóndirýshileri jalynnyń ózge de nysandardyń taralýyna jol bermeý úshin qajetti sharalardy atqarýda. Órt áli sóndirilgen joq», - dedi Nur-Sultan qalasy Tótenshe jaǵdaılar departamenti baspasóz qyzmeti QazAqparat tilshisine.
Belgili bolǵandaı, órt bastalǵanda demalys keshinindegi 45 qyzmetker men meıman qaýipsiz jerge shyǵyp úlgergen.
Órttiń sebebi men jalyn sharpyǵan aýmaq kólemi anyqtalýda.
Budan buryn habarlanǵandaı, elorda irgesinde ornalasqan demalys orny órtendi.
