Elorda mańyndaǵy aýyldardyń kóshelerin sý basý problemasy bar - mınıstr

NUR-SULTAN. QazAqparat – Iesiz gıdrotehnıkalyq nysandar máselesi erekshe nazar aýdarýdy talap etedi. Bul týraly Senattyń jalpy otyrysynda QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Sonymen qatar, gıdrotehnıkalyq qurylystardy ýaqtyly jóndeý jáne salý qajet. Salynǵan Kóksaraı jáne Astana sý rettegishi eldi mekenderdi qorǵaý men sý jınaý boıynsha óz tıimdiligin kórsetti. Óz kezeginde ıesiz gıdrotehnıkalyq qurylystar (25) erekshe nazar aýdarýdy talap etedi. Gıdrotehnıkalyq qurylystardyń tehnıkalyq jaı-kúıin baqylaý jónindegi ýákiletti organ Ekologııa, geologııa jáne tabıǵı resýrstar mınıstrligi bolyp otyr. Olar «Jasyl Qazaqstan» ulttyq jobasy aıasynda eldiń sý obektilerin damytý jáne saqtaý boıynsha jumys júrgizedi», - dedi ıÝrıı Ilın.

Onyń aıtýynsha, apatty ári retsiz qurylystyń jalǵasyp jatqan praktıkasy jáne eldi mekenderdiń, mysaly, Aqmola oblysynyń Qoıandy men Talapker aýyldarynyń drenajdyq-aryq júıelerimen tolyq qamtamasyz etilmeýi olardyń kósheleri boıynda erigen qar sýyn ótkizý múmkindigine teris áser etedi.

«Nátıjesinde, Tótenshe jaǵdaılar mınıstrligi erigen qar jáne jańbyr sýlaryn shyǵarý úshin órt sóndirý mashınalary men motopompalardy jumyldyrýǵa májbúr bolady, bul olardyń tehnıkalyq jaı-kúıine jáne órt sóndirýge daıyndyǵyna teris áser etedi», - dedi mınıstr.

Budan buryn habarlanǵandaı, Qazaqstanda 285 eldi meken úshin sý basýdyń yqtımal qaýpi saqtalyp otyr.