Elorda mańyndaǵy aýqatty adamdardyń úıin tonaǵan qylmystyq top ustaldy
KÓKShETAÝ. QazAqparat - Aqmola oblysynyń elorda mańyndaǵy eldi-mekenderde turatyn aýqatty adamdardyń úılerin tonap kelgen urylar toby ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, urylar Nur-Sultan qalasy jáne Qostanaı, Túrkistan oblystarynan kelgen. Jedel izdestirý sharasy kezinde Tselınograd aýdany aýmaǵynda múlik urlaýdyń birneshe oqıǵasyna qatysy bar qylmystyq toptyń músheleri ustaldy. Tselınograd aýdandyq PB krımınaldyq polıtsııa qyzmetkerleri ustalǵan 20-24 jastaǵy úsh er adamnyń (buryn sotty bolǵan) Qosshy jáne Talapker aýyldarynda aýqatty adamdardyń úıin tonaǵanyn anyqtap otyr.
«Kúdiktiler tonaıtyn úıine aldyn ala baryp, málimet jınaǵan. Keshkilik ýaqytta úı ıeleriniń joqtyǵyn paıdalanǵan olar tereze arqyly túsip, áshekeı buıymdar, aqsha jáne qundyz ton sııaqty baǵaly zattardy tonaǵan. Kúdiktiler jalǵa alǵan kólikpen júrgen jáne Nur-Sultan qalasyndaǵy qonaqúılerde turǵan», - deıdi vedomstvodan.
PD baspasóz qyzmeti atap ótkendeı, qazirgi kezde osy oqıǵaǵa qatysty QR QK 188-baby boıynsha sotqa deıingi tergeý amaldary júrip jatyr Kúdiktiler ýaqytsha ustaý ızolıatoryna qamaldy.
«Kúdiktilerdiń 11 urlyq qylmysyna qatysy bary anyqtaldy. Sonymen qatar, ózge óńirlerdegi osyǵan uqsas qylmystarǵa qatysy bar-joǵy anyqtalý ústinde», - dep tolyqtyrdy vedomstvodan.
