Elorda mańynda qoqys polıgony órtendi
NUR-SULTAN. QazAqparat – «Qazgıdromet» RMK elordadaǵy tútin men ystyń sebebin atady, dep habarlaıdy QazAqparat.
Vedomstvo muny Tselınograd aýdanyndaǵy qoqys polıgonynyń órtenýimen túsindirdi.
«Nur-Sultan qalalyq Tótenshe jaǵdaılar departamentiniń habarlaýynsha, Tselınograd aýdanynda Taıtóbe aýylynan 5 shaqyrym jerde qoqys polıgony órtenip jatyr. Órt aýmaǵy 250 sharshy metrdi sharpyǵan. Elordada jelsiz, jaýynsyz tymyq aýa raıy bolǵandyqtan, aspanda ınversııalyq qabat paıda boldy», - delingen habarlamada.
«Qazgıdromet» RMK baqylaý beketteriniń dereginshe, 28-29 tamyz kúnderi aýadaǵy shekti jol berilgen norma artqan.
Elordada aýanyń jaı-kúıi 10 bekette baqylanady, onyń 4 beketinde derekter qolmen suryptalady, 6 beketi - avtomatty túrde jumys isteıdi.
