Elorda mańynda esirtki shegip alyp kólik aıdaǵan júrgizýshi ustaldy

KÓKShETAÝ. QazAqparat - Aqmola oblysynda esirtkige masaıǵan kólik júrgizýshisi ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, 2020 jylǵy 6 qazanda Tselınograd aýdandyq PB qyzmetkerleri Qosshy aýylyndaǵy «Altyn dala» turǵyn úı kesheni aýmaǵynda «Lada» kóligin toqtatty. Tekseris kezinde Nur-Sultan qalasynyń 31 jastaǵy júrgizýshisi esirtkige masaıyp rýlde otyrǵany anyqtaldy. Ol medıtsınalyq tekserýden ótýden bas tartty. Sonymen birge, er adamnyń buryn kólik júrgizý quqynan aıyrylǵany da belgili boldy.

«Júrgizýshiniń ústinen Qylmystyq kodekstiń 346-baby boıynsha qylmystyq is qozǵaldy», - deıdi vedomstvodan.