Elorda mańyna qatynaıtyn eki avtobýstyń qozǵalysy toqtatyldy
ASTANA. QazAqparat – Astana qalasynyń mańaıyna qatynaıtyn qoǵamdyq kólikter kún raıyna baılanysty qozǵalysyn toqtatty, dep habarlaıdy QazAqparat City Transportation Systems kompanııasyna silteme jasap.
«Saǵat 09.00-degi jaǵdaı boıynsha ózekti aqparat: aýa raıynyń nasharlaýynan qala mańyna qatynaıtyn №№ 315, 310 baǵdarlardyń qozǵalysy ýaqytsha toqtatyldy.
Qala mańyna qatynaıtyn ózge baǵdarlar lınııada», - delingen málimette.
Aıta keteıik, búgin saǵat 08.00-de jeldiń kúsheıýi, boran jáne joldyń durys kórinbeýi saldarynan «Ekaterınbýrg - Almaty» avtojolynyń (1003 – 1247 km aralyǵy) «Astana qalasy – Atbasar qalasy» ýchaskesi kóliktiń barlyq túrleri úshin jabyldy.
