Elorda mańyna qatynaıtyn birqatar avtobýs baǵdary toqtatyldy
NUR-SULTAN. QazAqparat - Elordada aýa raıynyń qolaısyzdyǵynan qala mańyna qatynaıtyn birneshe baǵyt toqtatyldy, dep habarlaıdy QazAqparat «Smart Astana» telegram arnasyna silteme jasap.
«Saǵat 14:00 boıynsha ózekti habarlandyrý. Aýa raıynyń qolaısyzdyǵyna baılanysty trassalardyń jabylýyn saldarynan №300, 302, 305, 310, 312, 313, 314, 315, 316, 317, 321, 326 qala mańy baǵdarlarynyń qozǵalysy ýaqytsha toqtatyldy. Jelide №301, 303, 304, 306, 307, 308, 309, 311, 319, 320, 322 avtobýstary qaldy», - delingen habarlamada.
Nur-Sultan qalasynyń Tótenshe jaǵdaılar departamentiniń habarlaýynsha, 3 qańtar kúni qar, boran jáne kóktaıǵaq bolýy yqtımal. Ońtústik-batystan soǵatyn jel kúsheıip, túnde 15-20 m/s jetýi múmkin.
