Elorda mańyna qatynaıtyn barlyq qoǵamdyq kólik toqtatyldy
NUR-SULTAN. QazAqparat –Kóktaıǵaq saldarynan elorda mańyna qatynaıtyn barlyq marshrýttyq avtobýstardyń qozǵalysy shekteldi, dep habarlaıdy QazAqparat.
Qoǵamdyq kólikke jaýapty CTS kompanııasy Instagram arqyly osyndaı habar taratty.
«Aýa raıyna baılanysty kóktaıǵaq saldarynan qala shetine qatynaıtyn barlyq marshrýttyq avtobýstardyń qozǵalysy shekteldi» - delingen habarlamada.
Qala ishindegi marshrýttyq avtobýstardyń qozǵalysy da baıaýlap jatyr. Kólik kompanııasy keıbir qala ishindegi avtobýstar kesteden keshigýi múmkin ekenin eskertip, turǵyndardy jaǵdaıǵa túsinistikpen qaraýdy shaqyryp otyr.
