Elorda mańyna qatynaıtyn avtobýstar qozǵalysy qalpyna keltirildi
NUR-SULTAN. QazAqparat – Nur-Sultan qalasynyń irgesinde ornalasqan eldi mekenderge qatynaıtyn jolaýshylar avtobýstary qaıta qatynaı bastady, dep habarlaıdy QazAqparat.
«Saǵat 10:30 ózekti aqparat: qala mańyna qatynaıtyn №№ 302, 303, 308, 320, 323 baǵdarlarynyń qozǵalysy qalpyna keltirildi. Baǵdarlardyń qozǵalysy bekitilgen kestege sáıkes qaladan bastalady», - dep málim etti City Transportation Systems kompanııasynan.
Eske salaıyq, búgin tańerteń aýa raıy jaǵdaıyna baılanysty qalamańy avtobýstarynyń qyzmeti toqtatylǵan bolatyn.
Keshe saǵat 19:00-den bastap elordada boran, ekpindi jel, qalyń qar men kóktaıǵaqqa baılanysty eskertý jarııalandy.
Qala boıynsha aıaldamalarda avtobýs kútip turǵan azamattardy jetkizý úshin 25 jergilikti vahta jumyldyryldy.
Tótenshe jaǵdaılar departamenti astanadan shyǵatyn respýblıkalyq jáne oblystyq mańyzy bar barlyq avtojoldy japty, jedel shtab quryp, shuǵyl telefon jelisin ashty.
Sondaı-aq aýa raıynyń buzylýyna baılanysty keshe keshke Nur-Sultan halyqaralyq áýejaıynyń jumysy ýaqytsha toqtatyldy. Túnde áýe aılaǵy qalypty jumysyna kiristi. Alaıda, reısterdiń kestesinde áli de irkilis bar.
