Elorda mańyndaǵy eldi mekenderge qatynaıtyn 12 avtobýs qozǵalysyn toqtatty

Aıazǵa baılanysty Astana qalasy mańyna qatynaıtyn 12 avtobýs reısten alyndy. Kazinform bul týraly «City Transportation Systems» kompanııasyna silteme jasap habarlaıdy.

«10 jeltoqsan, saǵat 05.00-ge ózekti aqparat. Aýa raıynyń nasharlaýynan (temperatýranyń tómendeýi) qala mańyna qatynaıtyn № 300, 305, 308, 309, 310, 312, 315, 316, 317, 327, 328, 329 baǵdarlarynyń qozǵalysy ýaqytsha toqtatyldy.

Qala mańyna qatynaıtyn basqa baǵdarlar lınııada.

Qoǵamdyq kólik qozǵalysy týraly ózgeristerdi @cts_kz paraqshalarynan bilýge bolady», - delingen kompanııa málimetinde.

Eske salaıyq, sınoptıkter jeksenbi kúni eldiń basym bóliginde aıaz bolatynyn eskertken bolatyn.

Atyraýda aýa temperatýrasynyń kúrt tómendeýinen Jaıyq ózeninde muz qatyp, sý soratyn stansalardyń jumysy toqtap qaldy.

Sondaı-aq -35S°, -38S° aıazǵa baılanysty búgin túnde elimizdiń 7 óńirinde respýblıkalyq mańyzy bar 54 jol ýchaskesinde kólik qozǵalysyna shekteý engizildi.