Elorda qutqarýshylary sý tasqyny jaǵdaıynda ne isteý keregin aıtty
NUR-SULTAN. QazAqparat - Astanalyq qutqarýshylar sý aıdynyna jaqyn jáne tasqyn qaýpi bar jerde turatyn turǵyndarǵa eskertý jasady, dep habarlaıdy QazAqparat.
Tótenshe jaǵdaılar departamentiniń mamandary turǵyndarǵa úı aýmaǵyndaǵy qardy der kezinde kúrep, úıdi nyǵaıtýdy usynady.
«Sondaı-aq sý tasqyny bolýy múmkin aýmaqtardyń shekarasyn, sonymen qatar bıik, sý basa qoımaıtyn oryndardy zerdelep, olarǵa baratyn eń qysqa joldardy eske saqtańyz.
Sý tasqyny týraly eskertý alsańyz, myna is-áreketter oıda bolsyn:
- Esik-terezelerdi jabyńyz
- Gaz, elektr qýaty men sýdy óshirińiz.
Al eger evakýatsııa týraly eskertý alsańyz:
- Dabyl chemodany men maýsymǵa saı kıim-keshek daıyndańyz.
Sel qaýpi nemese sý tasqyny belgilerin baıqasańyz, 112 nómiri arqyly qutqarý qyzmetterine habarlańyz» dep eskertedi qutqarýshylar.
