Elorda qutqarýshylary muz ústinde qaýip tóndiretin jaǵdaılardy túsindirdi
Onyń sózine qaraǵanda, qala aýmaǵyndaǵy Esil ózeniniń uzyndyǵy 32 shaqyrymdy quraıdy. Qys mezgilinde sý betin muz basqandyqtan, bul turǵyndarǵa qaýip tóndiredi.
«Elorda turǵyndary men qonaqtarynyń qaýipsizdigin qamtamasyz etý úshin departament qyzmetkerleri jergilikti atqarýshy organdarmen birlesip, «Abaılańyz, juqa muz!» jáne «Muzǵa shyǵýǵa tyıym salynady!» sııaqty arnaıy tyıym salatyn belgilerin ornatty. Osy oraıda 65 belgi qoıyldy.
Sonymen qatar, qalalyq bilim basqarmasymen ózara is-qımyl barysynda qysqy kezeńdegi tótenshe jaǵdaıdyń aldyn alýǵa, úsik shalǵan kezde alǵashqy medıtsınalyq kómek kórsetýge baǵyttalǵan ınteraktıvti sabaqtar ótkizilýde», - dedi E. Baıyrov elora ákimdiginiń baspasóz ortalyǵynda.
Onyń aıtýynsha, departamenttiń aýdandyq bólimsheleri qosymsha ańshylyq dúkenderde reıdter júrgizdi, onda kelýshiler ári dúken ákimshiligi ókilderimen túsindirý sharalary ótkizilip, jadynama men kitapshalar taratyldy.
«Muzdyń qalyńdyǵy 10 sm-den kem bolmaǵanda onyń ústimen qaýipsiz ótý múmkindigi bar, adamdar bir-birinen 5-6 metr qashyqtyqta júrýi kerek. Qarama-qarsy qozǵalys kezinde birdeı araqashyqtyqty saqtaý kerek. Eger 4-5 adamnan turatyn top jınalsa, onda siz qalyńdyǵy 15 sm-den kem emes muz boıymen júre alasyz. Barlyq jaǵdaılarda, jaǵadan muzǵa shyqpas buryn, aınalańyzdy muqııat qarap, qaýipsiz jerlerdi tańdap, qozǵalys baǵytyn belgilep alý kerek», - dedi maman.
«Muzdyń qalyńdyǵyn aıaqpen teýip tekserýge qatań tyıym salynady! Muzdyń beriktigin tek súımen nemese taıaq kómegimen tekserýge bolady. Eger birinshi soqqydan keıin muz jarylyp, oǵan sý paıda bolsa, siz dereý toqtap, kelgen izben oralýyńyz kerek», - dedi Esen Baıyrov.