Elorda qurylys basqarmasynyń burynǵy basshylary 200 mln teńgeni jymqyrdy degen kúdikke ilindi

NUR-SULTAN. QazAqparat - Nur-Sultan qalalyq qurylys jáne turǵyn úı saıasaty basqarmasynyń burynǵy laýazymdy tulǵalary bıýdjet qarjysyn urlaý kúdigine ilindi. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń aǵa tergeýshisi Qaısar Barjaqsynov aıtty, dep habarlaıdy QazAqparat tilshisi.

«Nur-Sultan qalalyq sybaılas jemqorlyqqa qarsy qyzmet Nur-Sultan qalasy Qorǵaljyn tasjolynyń ońtústiginde turaǵy bar kóppáterli turǵyn úı kesheniniń qurylysyn salý men paıdalanýǵa berý úshin bólingen 200 mln teńge kólemindegi bıýdjet qarajatyn urlaý faktisi boıynsha Nur-Sultan qalasynyń qurylys jáne turǵyn úı saıasaty basqarmasynyń burynǵy basshysyna jáne basqa tulǵalarǵa qatysty sotqa deıingi tergeýdi bastady», - dedi ol agenttiktiń baspasóz qyzmeti alańynda ótken brıfıng barysynda.

Qaısar Barjaqsynovtyń aıtýynsha, QR Qylmystyq is júrgizý kodeksiniń 201-babyna sáıkes ózge aqparat tergeý múddesi úshin jarııalanbaıdy.