Elorda kúnine uıymdastyrylǵan kontserttik sharalarǵa 3,5 myń qazaqstandyq jáne sheteldik ártis qatysty
ASTANA. QazAqparat - Elorda kúnine oraı uıymdastyrylǵan kontserttik sharalarǵa 3,5 myń qazaqstandyq jáne sheteldik ártis qatysty, dep habarlady Astana ákimdiginen.
Taratylǵan aqparatqa qaraǵanda, elorda kúnin uıymdastyrý jáne ótkizý jumystaryna shamamen 20 myń adam atsalysqan. Qalada 70-ten astam is-shara uıymdastyrylyp, shamamen 30 sahna qurylǵan. Onda qoıylǵan mádenı sharalardy 900 myńnan astam adam tamashalaǵan.
Al kontserttik baǵdarlamalarǵa 3,5 myńǵa jýyq qazaqstandyq jáne sheteldik ártister qatysty. Aǵymdaǵy jyly kóshelerde uıymdastyrylǵan mádenı is-sharalar zor tanymaldyqqa ıe boldy. Olarǵa osy jyly shamamen 700 myń elordalyqtar men qala qonaqtary qatysty.
Sonymen qatar, alǵash ret merekelik otshashý qalanyń 3 núktesinde uıymdastyryldy.
