Elorda kúnine oraılastyrylǵan merekelik sharalarǵa 1 mln. jýyq qazaqstandyq qatysady
ASTANA. QazAqparat - Astana kúniniń logotıpinde tarıhı data men butaq jaıǵan aǵashtyń beınesi úılestirilgen.
Elorda kúnin atap ótken jyldar ishinde bul merekeniń erekshe beınesi men stıli qalyptasty. Bul kúnderi merekelik afıshalar men bılbordtarǵa basylatyn fırmalyq belgini de qala turǵyndary jaqsy tanıdy, dep jazady elorda ákimdiginiń resmı saıty. Elorda kúniniń logotıpi 2009 jyldan beri resmı túrde qoldanylyp keledi. Jobalaýshylar onda Qazaqstannyń bas qalasynyń Astanaǵa aýystyrylǵan jyly - 1998 sanyn beıneleýge tyrysqan. Logotıpte ozyq dızaındyq sheshimder men dástúrli beıneleý tásilderi qoldanylǵan. Al oıý-órnek elementteri ashyq tústi mozaıkaly órnekterge negizdelgen. Aıta keteıik, uıymdastyrýshylar elorda kúnine oraılastyrylǵan merekelik sharalarǵa bir mıllıonǵa jýyq qazaqstandyq qatysady dep boljap otyr. Olardyń nazaryna mazmundy ári qyzyqty baǵdarlama usynylatyn bolady.
