Elorda kúnine oraı úsh metrlik tort ázirlendi (FOTO)
ASTANA. QazAqparat - Búgin Astana kúnine oraı tanymal kondıter Renat Agzamov ázirlegen merekelik tort kópshilikke usynyldy. Memlekettik týdyń túsindeı kógildir bıiktigi úsh metrlik torttyń ústine qyran men kún qoıylǵan.
Sharaǵa 3 shildede ótken kondıterler semınaryna qatysqan aspazshylar men qala turǵyndary jáne qonaqtar qatysty.
- Astana turǵyndaryn qalanyń 18 jyldyǵymen quttyqtaımyn. Osyndaı qysqa ýaqyttyń ishinde halyqaralyq deńgeıdegi qala boı kóterdi. Astana qalasynyń basshylyǵy men turǵyndaryna rahmet, barshaǵa jaqsylyq pen ıgilik tileımin, - dedi Renat Agzamov.
Shara sońynda torttyń bir bóligi Astana qalasynyń balalar úıleri men korrektsııalyq mektepterine jetkizildi. Sonymen qatar, jınalǵan qaýym shaǵyn kontserttik baǵdarlama tamashalap, túrli konkýrstarǵa qatysty. , dep habarlady astana.kz.
