Elorda kúnine oraı úrmeli aspaptar orkestrleriniń festıvali ótedi
ASTANA. QazAqparat - Elorda kúnine oraı Astana qalasynda 4-6 shilde aralyǵynda VII «Astana samaly» halyqaralyq úrmeli aspaptar orkestrleriniń festıvali ótedi. Atalǵan shara astanalyqtardy birneshe jyldan beri qýantyp keledi.
Qalanyń resmı saıtynyń habarlaýynsha, bıyl Astana qalasynyń ákimdigi Memlekettik akademııalyq fılarmonııasynyń, QR Ulttyq ulanynyń, Shyǵys Qazaqstan oblystyq fılarmonııasynyń, Tagıldiń «Tagıl-BEND» jáne Orynbor úrmeli aspaptar orkestrleri óz ónerlerin ortaǵa salady.
Festıvaldiń arnaıy qonaǵy - 1976 jyly ejelgi jalaýmen oınaý ónerin jandandyrý maqsatynda qurylǵan Storici Sbandieratori delle Contrade di Cori folklorlyq toby. Bul top Qaıtar órleý dáýiriniń kıimderin kıip, ótken zamannyń ǵajaıyp jaı-kúıin qalyptastyrady. Trýbanyń taza dybysy, daýylpazdardyń yrǵaqty dabyly, oryndaýshylyqtyń oınaqylyǵy kórermenderdi tań qaldyrýy tıis..
Kontserttiń ashylýy 4 shilde kúni saǵat 20.00-de qalanyń ortalyq alańynda ótedi. 5 shildede saǵat 11.00-de qala ákimdiginiń aldyndaǵy alańda plats-kontsert, osy kúni keshke «Báıterek» monýmentiniń sahnasynda bend-marafon uıymdastyrylady.
Barlyq ujymdar óner kórsetetin festıvaldiń «Astana samaly - 2016» sońǵy sherý-kontserti 6 shilde kúni saǵat 11.00-de Áskerı-tarıhı mýzeıden bastap Respýblıka dańǵylynyń boıymen «Jastar» saraıyna deıin ótedi.
