Elorda kúnine oraı Tekelide bıiktigi 25 metrlik týtuǵyr ornatyldy

TALDYQORǴAN. QazAqparat - Almaty oblysynyń Tekeli qalasynda Elorda kúni men Ata Zańymyzdyń 25 jyldyǵyna oraı bıiktigi 25 metrlik týtuǵyr ornatyldy, dep habarlaıdy QazAqparat tilshisi.

Bul joba «Jumyspen qamtýdyń jol kartasy – 2020» baǵdarlamasy aıasynda júzege asty.

Tý kóterý qurmetine karateden jasóspirimder arasyndaǵy Azııa jáne Álem chempıony Ásemaı Akrambek ıe boldy.

Tekelide «Jumyspen qamtýdyń jol kartasy – 2020» baǵdarlamasy boıynsha barlyǵy 13 joba júzege asyp jatyr. Oǵan 1 mlrd 837 mln teńgeden astam qarjy bólingen.

Sonymen qatar monoqalada balalarǵa arnalǵan eki sport alańy da paıdalanýǵa berildi.

Jumyspen qamtýdyń jol kartasy – 2020» baǵdarlamasyn júzege asyrýǵa barlyǵy 214 adam qamtylýy tıis. Qazir sonyń teń jartysynan astamy qalalyq jumyspen qamtý ortalyǵy arqyly jumysqa tartylyp, atalǵan nysandarda eńbek etip jatyr.