Elorda kúnine oraı satylǵan bıletterden túsken qarjymen 96 balaǵa materıaldyq kómek kórsetildi
ASTANA. Qazaqparat - Elorda kúnine oraı ótkizilgen sharalarǵa satylǵan bıletterden túsken qarjymen 96 balaǵa materıaldyq kómek kórsetildi, dep habarlady astana.gov.kz saıty.
Astana qalasy ákimdiginiń bastamasymen qurylǵan «Báıterek» qaıyrymdylyq qory tórt jyldan beri em-dom qabyldaýdy qajet etetin múmkindigi shekteýli balalarǵa kómektesip keledi. Osy kúnge deıin Elorda kúnine oraı ótkizilgen sharalarǵa satylǵan bıletterden túsken qarjyǵa 96 balaǵa Qazaqstan, Qytaı, Reseı, Izraıl, Germanııa jáne t.b. memleketterdiń medıtsınalyq mekemelerinde joǵary bilikti kómek kórsetildi.
Búgingi tańda kezekti aktsııaǵa qatysýǵa ata-analardan 34 ótinish kelip tústi. Em-dom júrgizýdi qajet etetin balalardyń ata-analarynan ótinishter qabyldaý jalǵasady. Elorda kúnin merekeleý aıaqtalǵan soń aktsııa qorytyndysy shyǵarylady.
Eske salaıyq, Astana kúnine oraı uıymdastyrylǵan sharalarda bılet satýdan túsken qarjy jyl saıyn qordyń shotyna aýdarylyp, balalardy emdeýge jumsalady. Árbir elorda turǵyny men qonaǵy merekelik sharaǵa bılet satyp alyp ıgi iske óz úlesin qosady jáne balaǵa saýyǵyp ketý múmkindigin syılaıdy.
